You cannot copy content of this page

ອາເລັກຊານດຼ້າ ພ້ອມດ້ວຍທີມງານ ລະດົມທືນຊ່ວຍເຫຼືອພີ່ນ້ອງພາກໃຕ້ ໜ້າຊື່ນຊົມ

ອາເລັກຊານດຼ້າ ພ້ອມດ້ວຍທີມງານ ລະດົມທືນຊ່ວຍເຫຼືອພີ່ນ້ອງພາກໃຕ້ ໜ້າຊື່ນຊົມ

ອາເລັກຊານດຼ້າ ບຸນຊ່ວຍ ໄດ້ໂພສ ພາບ ແລະ ຂໍ້ຄວາມຜ່ານອິນສຕາແກມຂອງຕົນວ່າ: ພໍ່ແມ່ພີ່ນ້ອງແຂວງພາກໃຕ້ອົດໃຈລໍເດີ້ ເຄື່ອງກໍາລັງໄປຫາເດີ້ ແຊນດຼ້າໃນນາມມູນນິທິ ບຸນຊ່ວຍ ພ້ອມດ້ວຍທີມງານVIGMF ສາມາດລະດົມທຶນເປັນເງິນສົດ 6,173,500 ກີບ ແລະ ເຄື່ອງອຸປະໂພກບໍລິໂພກມູນຄ່າ 6,300,000 ກີບ ລວມມູນຄ່າທັງໝົດ 12.473.000ກີບ ມື້ນີ້ໄດ້ໄປມອບໃຫ້ກັບກະຊວງແຮງງານ ແລະ ສະຫວັດດີການສັງຄົມ

ເຫັນແລ້ວ ກໍປື້ມໃຈແທນຊາວພີ່ນ້ອງ ໂດຍສະເພາະທາງແຂວງພາກໃຕ້ທີ່ໄດ້ຮັບການຊ່ວຍເຫຼືອມາໂດຍຕະຫຼອດ ທຸກເທື່ອທີ່ລໍາບາກ ໂດຍສະເພາະເລື່ອງໄພທໍາມະຊາດທີ່ບໍ່ມີໃຜຄາດຄິດ ແລະ ກໍານົດໄດ້ວ່າຈະຮ້າຍແຮງສໍ່າໃດ ເຊິ່ງປີນີ້ທາງແຂວງພາກໃຕ້ຂອງລາວເຮົາກໍໄດ້ຮັບອິດທິພົນຈາກໄພທໍາມະຊາດ ເຮັດໃຫ້ປະສົບໄພນໍ້າຖ້ວມ ແຕ່ນັ້ນມັນກໍເຮັດໃຫ້ເຫັນວ່າຄົນລາວທຸກຄົນກໍໃຫ້ການຊ່ວຍເຫຼືອກັນສະເໝີ ລວມທັງປະເທດເພື່ອນບ້ານອີກຕື່ມ

ອາເລັກຊານດຼ້າ ນັບເປັນໂຕແມ່ໃນວົງການບັນເທີງລາວ ທັງຮ້ອງເພງ, ເຕັ້ນ, ສະແດງລະຄອນ ຮູບເງົາ ພິທີກອນ ຫຼາຍໆຢ່າງ ແລະ ຍັງມີຄວາມສາມາດຫຼາກຫຼາຍໂດຍສະເພາະຫຼິ້ນ ໄວໂອລິນ ທັງງາມ ທັງເກັ່ງຕ້ອງສາວຄົນນີ້ເລີຍ ແຖມຍັງໃຈບຸນມີເມດຕາ

admin