“ບົວໄລ” ເນັດໄອດໍ້-ຢູທູບເບີຄົນດັງ ຜູ້ຫຼົງໄຫຼໃນການ ຕຳໝາກຫຸ່ງ ແລະ ເຮັດອາຫານບ້ານນາທີ່ເປັນເອກກະລັກ ເປັນຊີວິດຈິດໃຈ

“ບົວໄລ” ເນັດໄອດໍ້-ຢູທູບເບີຄົນດັງ ຜູ້ຫຼົງໄຫຼໃນການ ຕຳໝາກຫຸ່ງ ແລະ ເຮັດອາຫານບ້ານນາທີ່ເປັນເອກກະລັກ ເປັນຊີວິດຈິດໃຈ

ມື້ນີ້ມ່ວນເລີຍນຳເອົາຮູບບົວໄລມາຝາກທຸກຄົນນຳເດີ້ ສາມາດເບິ່ງຮູບການກິນອາຫານຢ່າງແຊບນົວຂອງໜຸ່ມສາລະວັນຄົນນີ້ໄດ້ທີ່ອາລະບໍ້າລຸ່ມສຸດເລີຍ

ຖ້າເວົ້າເຖິງຄົນດັງໃນເຟສບຸກ ແລ້ວບໍ່ກ່າວເຖິງໜຸ່ມຄົນນີ້ຄົງຈະເປັນໄປບໍ່ໄດ້ ເພາະໜຸ່ມຈາກແດນໃຕ້ຂອງລາວຄົນນີ້ເປັນເຈົ້າຂອງສະຖິຕິຄລິບວິດີໂອທີ່ມີຄົນເຂົ້າຊົມຫຼາຍໃນລາວ ນັ້ນກໍຄື “ບົວໄລ” ຜູ້ມາພ້ອມກັບອາຫານແບບບ້ານນາຈານເດັດທີ່ເປັນຕາແຊບ, ຊວນຫິວ ແລະ ນໍ້າລາຍແຕກໄປຕາມໆກັນ. ແຖມທີເດັດໃນຕອນທ້າຍຂອງວິດີໂອແຕ່ລະອັນກໍມັກເກີດເຫດການທີ່ບໍ່ຄາດຄິດ ຊວນໃຫ້ເຮົາຮູ້ສຶກເສຍດາຍອາຫານທີ່ ບົວ ໄລ ກຳລັງກິນນັ້ນ ຢູ່ບໍ່ໜ້ອຍ. ບວກກັບນິໄສເປັນກັນເອງ ເວົ້າຕະຫຼົກຂອງບົວໄລ ຈຶ່ງບໍ່ແປກໃຈເປັນຫຍັງໜຸ່ມຄົນນີ້ຈຶ່ງເປັນທີ່ຮັກຫອມ ແລະ ມີແຟນຄລັບຢ່າງໜາແໜ້ນບໍ່ວ່າຈະເປັນທັງລາວ ແລະ ຕ່າງຊາດ.

ໜຸ່ມ ບົວໄລ ເນັດໄອດໍ້ບ້ານນາທີ່ຄົນລາວຮູ້ຈັກກັນດີຜ່ານທາງ ເຟສບຸກ ແລະ ຢູທູບ ທັງເປັນຜູ້ສ້າງສັນຄລິບຄວາມບັນເທີງທາງດ້ານການຣີວິວ ແລະ ເຮັດອາຫານການກິນແບບບ້ານນາ, ເຈົ້າຂອງວະລີເດັດທີ່ວ່າ “ຢູ່ໄຮ່ຢູ່ນາຄືເກົ່າ” ຜູ້ມີຄົນຕິດຕາມເຟສບຸກໃນປັດຈຸບັນລ້ານກວ່າຄົນ. ຖິ່ນຖານຂອງເພິ່ນຢູ່ທີ່ເມືອງຄົງເຊໂດນ ແຂວງສາລະວັນ

ດັ່ງທີ່ຮູ້ວ່າບົວໄລ ມີຊື່ສຽງຈາກການເຮັດຄລິບວີດີໂອຕະຫຼົກກ່ຽວກັບການກິນອາຫານພື້ນບ້ານ ບໍ່ວ່າຈະເປັນຕຳໝາກຫຸ່ງ, ແຈ່ວໝາກສົ້ມ ຫຼື ແກງໜໍ່ໄມ້ເປັນຕົ້ນ. ເອີ້ນໄດ້ວ່າຄົນດັງ ຈົນໄດ້ຮັບຂັນ Silver Play Button (ປຸ່ມ Play ສີເງິນ) ຈາກຢູທູບ ທີ່ມີຍອດຜູ້ຕິດຕາມເກີນ 100,000 ຄົນເລີຍເດີ້. ສຳລັບ Silver Play Button ເປັນໜຶ່ງໃນຂັນລາງວັນຮູບປຸ່ມ Play ທີ່ມອບໃຫ້ກັບເຈົ້າຂອງຊ່ອງຢູທູບທີ່ມີຍອດຕິດຕາມເປັນຈຳນວນຫຼາຍ.

ສຳລັບໃຜຢາກຕິດຕາມການເຄື່ອນໄຫວ ແລະ ຮູ້ຈັກກັບບົວໄລ ໃຫ້ຫຼາຍຂຶ້ນສາມາດຕິດຕາມໄດ້ທີ່ລິ້ງເຟສບຸກນີ້ເລີຍ: บัว ไล บัว ไล ແລະ ທີ່ຢູທູບ: ບົວໄລ บัวไล

admin