ຊີວິດມີຂຶ້ນມີລົງ ຈາກຫົວໜ້າຄຸມງານໃນສະໜາມບິນຍັງຕ້ອງມາເລ່ຂາຍພວງມາໄລ

ຊີວິດມີຂຶ້ນມີລົງ ຈາກຫົວໜ້າຄຸມງານໃນສະໜາມບິນຍັງຕ້ອງມາເລ່ຂາຍພວງມາໄລ

ທີ່ຜູ້ໃຫຍ່ເພິ່ນສອນ ຍາມຂຶ້ນຢ່າຫຼົງຍາມລົງຢ່າທໍ້ກໍແມ່ນແບບນີ້ແລນໍ ສຳຄັນຍາມມີຕ້ອງເກັບອອມເພື່ອຕອນໜຶ່ງຫາກເກີດຫຍັງຂຶ້ນມາຈະບໍໄດ້ລຳບາກ ບໍແມ່ນຄືທີ່ຫຼາຍຄົນເວົ້າໃສ່ຄົນທີ່ມັກເກັບອອມວ່າເກັບເງິນຫຍັງຫຼາຍໄວ້ໄປນອນຫ້ອງໄອຊີຢູ ຫາກເປັນຫ່ວງວ່າຖ້າມີເທົ່າໃດຈ່າຍຈົນໝົດ ມື້ໜຶ່ງຊັບສິນຈະໝົດກ່ອນການໄດ້ໄປນອນໄອຊີຢູດ້ວຍຊ້ຳໄປ ຄືບຸກຄົນຜູ້ນີ້ ເປັນຫົວໜ້າທີມໜຶ່ງໃນສະໜາມບິນແຕ່ມື້ໜຶ່ງຕ້ອງມາເປັນຄົນຂອງພວງມາໄລແຖມຖະໜົນຫາເງິນສູ້ຊີວິດ.

ຊາຍໄວ 63 ປີທ່ານນີ້ເມື່ອກ່ອນເຄີຍເປັນຮອດຫົວໜ້າຄຸມງານຂອງການບິນໄທ ແຕ່ຍ້ອນເອົາຊີວິດໄປພົວພັນກັບການພະນັນຈົນໝົດຕົວ  ຈິ່ງມາຢູ່ກັບເມຍຢືດອາຊີບຂາຍພວງມາໄລລ້ຽງຊີບໃນທີ່ສຸດ ແຕ່ເມຍກໍ່ປະເພິ່ນໄປຕອນນີ້ຢູ່ພຽງລຳພັງ ຕ້ອງດິ້ນຮົນສືບຕໍ່ຂາຍພວງມາໄລລ້ຽງຊີບ.

ປະຈຸບັນຊາຍຜູ້ນີ້ມີບັນຫາທາງສາຍຕາເບິ່ງບໍ່ເຫັນແຈ້ງເນື່ອງຈາກ ເປັນຕໍ້ຫີນໃນຕາ ແລະເປັນເບົາຫວານນຳ ເຮັດໃຫ້ສຸຂະພາບບໍ່ຄ່ອຍເອື້ອອຳນວຍ ຂີ່ລົດຈັກມາຫາຖະໜົນໃຫຍ່ກໍ່ລຳບາກ ຕ້ອງອາໄສຄົນຮ້ອຍພວງມາໄລມາສົ່ງ ແລະງົມໄປເຄິ່ງໜຶ່ງ ພ້ອມນີ້ໝູ່ຄູ່ຮ່ວມອາຊີບກໍ່ຊ່ວຍກັນເປັນບາງເວລາຈິ່ງພໍລອດມື້ລອດວັນໄປ ແຕ່ກໍ່ບໍ່ພໍຄ່າເຊົ່າຫ້ອງ.

ຊາຍຄົນດັ່ງກ່າວເລົ່າວ່າຕອນທຳອິດຕົນເອງເປັນພະນັກງານການບິນໄທປະຈຳຢູ່ຫາດໃຫຍ່ ຮັບຜິດຊອບພວກໂຫຼດເຄື່ອງຂື້ນເຄື່ອງຈົນຕໍ່ມາໄດ້ຂຶ້ນຕຳແໜ່ງເປັນຫົວໜ້າຄຸມງານຊ່ວງນັ້ນຊີວິດຢູ່ດີກິນດີ ແຕ່ຕົນໄດ້ລາອອກມາໃຊ້ຊີວິດເສເພຕິດການພະນັນຈົນເງິນໝົດ ເມຍເຫັນວ່າຢູ່ບໍໄດ້ແລ້ວຈິ່ງຊວນກັນມາຂາຍພວງມາໄລ  ແຕ່ຕໍ່ມາໄດ້ແຍກທາງກັນກັບເມຍອີກແລ້ວມາຢູ່ຄົນດຽວ.

ແນວໃດກໍ່ຕາມຊາຍຄົນນັ້ນກໍ່ຍອມຮັບວ່າ: ຊີວິດນີ້ຕ້ອງສູ້ຕໍ່ເຖິງວ່າສຸຂະພາບບໍ່ໃຫ້ ຕາມົວຈົນເງິນເຮ່ຍກໍ່ບໍ່ເຫັນ ແຕ່ຊີວິດຍັງຕ້ອງສູ້ຕໍ່ໄປຈົນມື້ສຸດທ້າຍທີ່ເຮັດຫຍັງບໍໄດ້ຈິ່ງຍອມຈຳນົນ, ແລະກໍໂຊກດີທີ່ລູກເມຍທີ່ຖືກຢ່າຮ້າງໄປຍັງຖາມຂ່າວຄາວ ເປັນຫ່ວງຢູ່ຫ່າງໆ.

ຫວັງວ່າເລື່ອງລາວນີ້ຈະເປັນບົດຮຽນໃຫ້ກັບຫຼາຍຄົນໄດ້ເປັນຢ່າງດີ ໂດຍສະເພາະໃຫ້ຮູ້ເກັບອອມໃນຍາມທີ່ຍັງຫາໄດ້ ເພື່ອວັນຂ້າງໜ້າອາດພາດພັ້ງໃນອາຊີບ ຈະໄດ້ມີແນວຕໍ່ຍອດຊີວິດໄປຈົນກວ່າຈະສິ້ນຊີວິດ.

admin