ເອົາໃຈຊ່ວຍທີມກູ້ໄພ ຄົ້ນຫາໜຸ່ມສູນຫາຍທີ່ເຄື່ອນນ້ຳງື່ມ2ມື້ແລ້ວ ຍັງບໍ່ພົບຮ່າງ

ເອົາໃຈຊ່ວຍທີມກູ້ໄພ ຄົ້ນຫາໜຸ່ມສູນຫາຍທີ່ເຄື່ອນນ້ຳງື່ມ2ມື້ແລ້ວ ຍັງບໍ່ພົບຮ່າງ

ສືບເນື່ອງຈາກເຫດການທີ່ມີຄົນຕົກເຮືອຢູ່ໜ້າເຂື່ອນນໍ້າງື່ມ ແຕ່ວັນທີ 16 ພຶດສະພາ 2020 ແລະ ສູນຫາຍໄປກັບກະແສນໍ້າ ຊາບຊື່ພາຍຫຼັງແມ່ນທ້າວ ປັນຍາເພັດ ເຊິ່ງຜູ້ກ່ຽວຮ່ວມທຣິບທ່ຽວກັບຄອບຄົວ ແຕ່ໂຊກຮ້າຍໂດດນໍ້າ ແລ້ວສູນຫາຍໄປ ຈົນມາຮອດມື້ນີ້ກໍ່ຍັງບໍ່ສາມາດພົບຮ່າງຊາຍຄົນດັ່ງກ່າວ ແລະ ບໍ່ຮູ້ເລີຍວ່າຍັງມີຊີວິດລອດ ຫຼື ບໍ່.

ນັບຈາກມື້ທີ່ເກີດອຸບັດເຫດດັ່ງກ່າວຈົນຮອດມື້ນີ້ 18 ພຶດສະພາ 2020 ເປັນເວລາ 2 ວັນພໍດີ ແຕ່ກໍ່ຍັງໄຮ້ຮ່ອງຮອຍການຄົ້ນພົບຊາຍໜູ່ມຄົນນີ້, ເຊິ່ງການຄົ້ນຫາໃນຄັ້ງນີ້ ອີກກຸ່ມຄົນໜຶ່ງທີ່ຕ້ອງຍ້ອງຍໍສັນລະເສີນ ແລະ ໃຫ້ກໍາລັງໃຈເຂົາເຈົ້າແມ່ນໜ່ວຍກູ້ໄພ ທີມກູ້ຊີບກູ້ໄພນະຄອນຫຼວງ(ສູນສັ່ງການ) ທີ່ຍັງຄົງປະຕິບັດໜ້າທີ່ຄົ້ນຫາຜູ້ສູນຫາຍຢ່າງບໍ່ລົດລະ

ດ້ານເຫດການອ້ອມຂ້າງນັບແຕ່ມື້ວັນທີ 1ຕ ເປັນຕົ້ນມາ ທາງຄອບຄົວ, ໝູ່ຄູ່ ແລະ ຄົນຮັກຂອງທ້າວປັນຍາເພັດ ລ້ວນມາລໍຖ້າອັ່ງອໍຢູ່ເຂດໜ້າເຂື່ອນເພື່ອລໍຖ້າຮັບເອົາຜູ້ກ່ຽວ ແຕ່ກໍ່ໜ້າສະເທືອນໃຈເຫຼືອເກີນ ທີ່ຍັງບໍ່ມີຂ່າວດີເກີດຂຶ້ນ.

ເຖິງຢ່າງໃດກໍ່ຕາມ ແອັດມິນຂໍສົ່ງກໍາລັງໃຈໃຫ້ກັບໜ່ວຍກູ້ໄພທີ່ພວມປະຕິບັດໜ້າທີ່ຢູ່ຕອນນີ້ ໃຫ້ປະສົບຜົນສໍາເລັດໃນການປະຕິບັດໜ້າທີ່ໄດຍໄວ ແລະ ຂໍສົ່ງກໍາລັງໃຈເຖິງຄອບຄົວຜູ້ຖືກເຄາະຮ້າຍໃນຄັ້ງນີ້ດ້ວຍ.

admin

You cannot copy content of this page