ສຸດປະທັບໃຈ ລົດເມ ຄະນຶງນິດນຸ່ງສິ້ນໄໝ ພ້ອມໄປເຊັກອິນທີ່ປະຕູໄຊ ກິນອາຫານພື້ນເມືອງລາວ

ສຸດປະທັບໃຈ ລົດເມ ຄະນຶງນິດນຸ່ງສິ້ນໄໝ ພ້ອມໄປເຊັກອິນທີ່ປະຕູໄຊ ກິນອາຫານພື້ນເມືອງລາວ

ລົດເມ ຄະນຶງນິດ ດາລາ ພິທີກອນອາລົມດີ ໄດ້ມາຖ່າຍທໍາລາຍການ Follow Meພ້ອມກັບທ່ຽວນະຄອນຫຼວງວຽງຈັນ. ໂດຍມາຮອດທໍາອິດ ສາວລົດເມ ກໍໄດ້ນຸ່ງສິ້ນໄໝລາວ ພ້ອມກັບໄປເຊັກອິນທີ່ປະຕູໄຊ ເຊິ່ງເປັນແລນມາກທີ່ສໍາຄັນຂອງ ປະເທດລາວເຮົາ ຫຼັງຈາກນັ້ນກໍໄດ້ໄປທ່ຽວຊົມພຣະທາດຫຼວງວຽງຈັນ ຈຸດລວມໃຈຂອງຄົນລາວທັງຊາດ

ຫຼັງຈາກນັ້ນ ນັກຮ້ອງສາວລາວ ອາລູນ້າ ຖາວອນສຸກ ກໍເປັນເຈົ້າພາບພາ ລົດເມ ໄປກິນເຂົ້າປຸ້ນແຈ່ວຂີງເຊິ່ງກ່ອນໜ້ານີ້ ລົດເມ ກໍຍັງໄດ້ໄປທ່ຽວແຂວງ ອຸດົມໄຊ ອີກດ້ວຍ

ຜ່ານມາມີລາຍການທ່ອງທ່ຽວຂອງໄທໄດ້ມາຖ່າຍລາຍການຢູ່ລາວ ເຊິ່ງຫຼ້າສຸດກໍເປັນຄິວຂອງດາລາສາວໄທ “ລົດເມ ຄະນຶງນິດ” ທີ່ຍົກກອງຖ່າຍລາຍການ Follow Me ທ່ຽວໃສ ໄປກັນ ມາລຸຍທ່ຽວລາວ ເປີດທຣິບດ້ວຍການທ່ຽວນະຄອນຫຼວງວຽ=ຈັນ ເມືອງຫຼວງຂອງລາວ ໂດຍໄດ້ “ອາລູນ້າ ຖາວອນສຸກ” ນັກຮ້ອງຊື່ດັງເປັນພິທີກອນຮ່ວມ ພາເລາະທ່ຽວຊົມ, ຊື້ເຄື່ອງ ແລະ ຊິມອາຫານລາວ

ລາຍການດັ່ງກ່າວອອກອາກາດທາງຊ່ອງ Amarin TV ຂອງໄທເມື່ອບໍ່ດົນມານີ້ ໃນຕອນທີ່ພາທ່ຽວລາວ ສາວ ລົດເມໄດ້ທ່ຽວຫຼາຍບ່ອນຂອງລາວທັງ ປະຕູໄຊ, ພະທາດຫຼວງ, ພິພິທະພັນສິລະປະຮ່ວມສະໄໝ, ໄຫວ້ພະຂໍພອນທີ່ວັດສີອຳພອນ, ຊີມອາຫານລາວສຸດແຊບທີ່ຮ້ານມານະແມະ ແລະ ທີ່ສາວ ອາລູນ້າ ພາໄປກິນອາຫານລາວ ກໍເປັນເມນູທີ່ຂຶ້ນຊື່ຢ່າງ “ເຂົ້າປຸ້ນແຈ່ວຂີງ”

ນອກຈາກນະຄອນຫຼວງວຽງຈັນແລ້ວ, ລົດເມ ຍັງໄດ້ເດີນທາງໄປທາງພາກເໜືອຂອງລາວສູ່ແຂວງອຸດົມໄຊ ເພື່ອສຳຜັດບັນຍາກາດຂອງທຳມະຊາດທີ່ນໍ້າກັດຢໍລະປາ ພ້ອມທັງໄດ້ຮຽນຮູ້ວິຖີຊີວິດຂອງຊົນເຜົ່າກຶມມຸນຳອີກ

admin