ແມ່ຊີ “ຢຸ້ຍ ສັນທະນີ” ສິກແລ້ວຈາກວັດປ່າ ແຕ່ຈະໄປບວດປະຕິບັດທຳຕໍ່ທີ່ປະເທດໄທ.

ແມ່ຊີ “ຢຸ້ຍ ສັນທະນີ” ສິກແລ້ວຈາກວັດປ່າ ແຕ່ຈະໄປບວດປະຕິບັດທຳຕໍ່ທີ່ປະເທດໄທ.

ກາຍເປັນກະແສຮືຮາກັນໄລຍະໜຶ່ງສຳລັບຂ່າວການເຂົ້າບວດຂາວຂອງ “ແມ່ຂາວ ຢຸ້ຍ – ສັນທະນີ ໃສມະນີວັນ” ອະດີດນາງງາມເວທີມິສຊູປຣາເນຊັນແນລລາວ 2018 ໂດຍແຫຼ່ງຂ່າວວົງໃນບອກວ່າ ການບວດຂອງແມ່ຂາວຢຸ້ຍແມ່ນຍັງບໍ່ມີກຳນົດສິກ

ສາວຢຸ້ຍຍັງຮັບລາງວັນກິດຕິມະສັກສົ່ງເສີມພະພຸດທະສາສະຫນາຈາກສະຖາບັນ Bodhisastra University, FL, USA (ມະຫາວິທະຍາໄລໂພທິສານ) ອາດເປັນທີ່ມາທີ່ເຮັດໃຫ້ເກີດຄວາມເຫຼື່ອມໃສໃນພະພຸດທະສາສະຫນາຫລາຍຂື້ນຈົນເຮັດໃຫ້ເຈົ້າໂຕຢາກລະຖິ້ມທາງໂລກເຂົ້າຫາທາງທຳດ້ວຍການບວດຊີ ຖືສິນ 8 ແລະຕອນນີ້ຍັງບໍ່ມີກຳນົດສິກ ແຕ່ດ້ວຍວ່າແຕ່ເຫດຜົນໃດປະການໃດທີ່ເຮັດໃຫ້ແມ່ຊີລະຖິ້ມຄວາມງາມ ເຮັດໃຫ້ຕັດສິນໃຈປົງຜົມບວດໃນຄັ້ງນີ້

ແນວໃດກໍຕາມ ຕັ້ງແຕ່ຕົ້ນເດືອນສິງຫາຜ່ານມາ ບັນຊີອິນສະຕາແກຣມຂອງແມ່ຂາວຢຸ້ຍຍັງຄົງມີການອັບເດດຮູບພາບຢູ່ເລື້ອຍມາ (ໂດຍຜູ້ດູແລບັນຊີຂອງແມ່ຂາວຢຸ້ຍ) ເຮັດໃຫ້ເຮົາໄດ້ເຫັນພາບໃນຂະນະທີ່ເພິ່ນບວດປະຕິບັດທຳຢູ່ໃນວັດປ່າແຫ່ງດັ່ງກ່າວ

ຫຼ້າສຸດ ຂໍ້ມູນຈາກບັນຊີເຟສບຸກຂອງ ຢຸ້ຍ ເມື່ອວັນເສົາທີ 24 ສິງຫາ ທີ່ຜ່ານມາ ໄດ້ລະບຸວ່າ ຕອນນີ້ໄດ້ສິກຈາກວັດປ່າແຫ່ງດັ່ງກ່າວແລ້ວ ແຕ່ກຳລັງຈະໄປເຮັດກຸສົນໂຄງການຄົນຕາບອດທີ່ກຸງເທບກັບຜູ້ຈັດການ ແລ້ວຈະໄປບວດປະຕິບັດທຳຕໍ່ທີ່ວັດຕຼີວິສຸດທິທຳ ແຂວງສຸພັນບຸຣີປະເທດໄທ

admin