“ກໍດອນ” ພໍ່ຄົວຊື່ດັງ ມາຖ່າຍລາຍອາຫານຢູ່ລາວ ພ້ອມໂຊທັກສະຂົ້ວໄຂ່ໃສ່ໝາກເຜັດ

“ກໍດອນ” ພໍ່ຄົວຊື່ດັງ ມາຖ່າຍລາຍອາຫານຢູ່ລາວ ພ້ອມໂຊທັກສະຂົ້ວໄຂ່ໃສ່ໝາກເຜັດ

Gordon Ramsay (ກໍດອນ ແຣມຊີ) ພໍ່ຄົວຊື່ດັງຈາກລາຍການ Uncharted ທາງໂທລະພາບຊ່ອງ National Geographic ໄດ້ເດີນທາງມາທີ່ປະເທດລາວ ເພື່ອສຳຜັດວັດທະນະທຳຂອງປະຊາຊົນຢູ່ໃນລ້ອງແມ່ນໍ້າຂອງ

ພື້ນທີ່ທີ່ພໍ່ຄົວ Ramsay ຂອງເຮົາເດີນທາງໄປນັ້ນ ແມ່ນດິນແດນທາງພາກໃຕ້ຂອງລາວ “ສີ່ພັນດອນ” ໂດຍລາວໄດ້ລາວໄດ້ລອງໄປຫາປາຈາກແມ່ນໍ້າຂອງ ເຊິ່ງເປັນໜຶ່ງໃນວິຖີຊີການຫາກິນຂອງປະຊາຊົນທ້ອງຖິ່ນ ທີ່ຜູກພັນກັບແມ່ນໍ້າຂອງຢ່າງຕັດຂາດບໍ່ອອກ

ພ້ອມນັ້ນໃນໄລຍະໜຶ່ງຂອງລາຍການດັ່ງກ່າວ, Ramsay ຍັງໄດ້ໂຊທັກສະການແຕ່ງກິນເມນູແບບລາວໆນັ້ນກໍຄື “ຂົ້ວໄຂ່ໃສ່ໝາກເຜັດ” ອີກດ້ວຍ

ທັງນີ້ ລາຍການ Uncharted ເປັນລາຍການທີ່ດຳເນີນໂດຍ Gordon Ramsay ດຳເນີນການຜະລິດໂດຍ National Geographic ມີທັງໝົດ 6 ຕອນ ເຊິ່ງຜູ້ດຳເນີນລາຍການຈຳເດີນທາງໄປ 6 ປາຍທາງທົ່ວໂລກ ເພື່ອຄົ້ນຫາວັດທະນະທຳດ້ານອາຫານໃນແຕ່ລະທ້ອງຖິ່ນ ປະກອບມີ: ເປຣູ, ນິວຊີແລນ, ໂມຣັອກໂຄ, ຮາວາຍ, ລາວ ແລະ ແອລາສກາ

ຂອບໃຈ muan.la

admin