“ທັນວາ ສຸລິຍະຈັກ” ໜຸ່ມຮ໋ອດຈາກລາວ ຕິດອັນດັບດາລາທີເຈົ້າຊູ້ທີ່ສຸດໃນອາຊີ ປະຈໍາປີ 2019

“ທັນວາ ສຸລິຍະຈັກ” ໜຸ່ມຮ໋ອດຈາກລາວ ຕິດອັນດັບດາລາທີເຈົ້າຊູ້ທີ່ສຸດໃນອາຊີ ປະຈໍາປີ 2019

ເປັນອີກໜຶ່ງໜຸ່ມຫຼໍ່ຫຼາກຫຼາຍຄວາມສາມາດ ທັນວາ ສຸລິຍະຈັກ ຈາກນະຄອນປາກເຊ ແຂວງ ຈຳປາສັກ ປະເທດລາວ ທີ່ແຟນໆຈະຄຸ້ນໜ້າຄຸ້ນຕາດີ ເພາະໄປໂດ່ງດັງໄກ ໄດ້ເປັນພະເອກລະຄອນ ແລະ ຮູບເງົາ ທີ່ປະເທດໄທ

ສຳລັບ ທັນວາ ສຸລິຍະຈັກ ອາຍຸ 27 ປີ ເປັນຄົນ ນະຄອນປາກເຊ ແຂວງ ຈຳປາສັກ, ຈົບການສຶກສາລະດັບປະລິນຍາຕີ ຈາກຄະນະນິເທດສາດມະຫາວິທະຍາໄລຣັງສິດ (ປະເທດໄທ), ມີຜົນງານການສະແດງລະຄອນ ແລະ ຮູບເງົາຫຼາຍຕໍ່ຫຼາຍເລື່ອງຂອງປະເທດເພື່ອນບ້ານເຊັ່ນ: ມົນຮັກແມ່ນໍ້າມູນ, ອະສູນນ້ອຍໃນຕະກຽງແກ້ວ, ລູກຜູ້ຊາຍໄມ້ຕະພົດ, ລີລາວະດີເພິງ, ແຫວນສະຫວາດ, ຄູ່ປັບສະລັບຫົວໃຈ, ໄຟຮັກເກມຮ້ອນ, ທະເລໃຈ, ຮັກນະສາລະຄາມ, ເລີບຊໍເມີ ຮັກຕະລອນ ອອນເດິບຣີດ ແລະ ອີກຫຼາຍໆເລື່ອງທີ່ໝຸ່ມຄົນນີ້ທີ່ໄດ້ສະແດງ ແລະ ໄດ້ຮັບຄວາມນິຍົມ ຈົນມີແຟນຄລັບຕິດຕາມເປັນຈຳນວນຫຼວງຫຼາຍ

ລ່າສຸດ ທັນວາ ສຸລິຍະຈັກ ໄດ້ມີຊື່ເຂົ້າຊິງລາງວັນ ໜຸ່ມເຈົ້າຊູ້ (ຫຼໍ່) ທີ່ສຸດໃນອາຊຽນ ແຟນໆສາມາດ ເຂົ້າໄປໂຫວດໃຫ້ ທັນວາ ໄດ້ຜ່ານ ໄອຈີ 100Mostbeautifullist

ສໍາລັບ ໂຄງການ ເປັນໂຄງການທີ່ຄັດເລືອກເອົາຊາຍ ແລະ ຍິງທີ່ຫຼໍ່ ແລະ ງາມທີ່ສຸດຂອງປີ 2019 ປະຈໍາພາກພື້ນອາຊີ, ສ່ວນ ໜຸ່ມ ທັນວາ ສຸລິຍະຈັກ ເປັນທີ່ຮຸູ້ຈັກກັນດີກັບຜົນງານໃນທາງຊ່ອງ 7 ປະເທດໄທ, ເຊິ່ງ ທັນວາ ເກີດທີ່ ນະຄອນປາກເຊ ແລະ ໄດ້ເດີນທາງໄປສຶກສາຕໍ່ທີ່ປະເທດໄທ ແລະ ໄດ້ເຂົ້າວົງການບັນເທີງປະເທດໄທ ຈົນມາຮອດປັດຈຸບັນ.

admin