“ມີ່ລ່າ ດວງມີໄຊ” ນາງສັງຂານປະຈຳ ພສ 2562 ນະຄອນຫຼວງພະບາງ

“ມີ່ລ່າ ດວງມີໄຊ” ນາງສັງຂານປະຈຳ ພສ 2562 ນະຄອນຫຼວງພະບາງ

ຕອນຄໍ່າ ວັນທີ່ 12 ເມສາຜ່ານມາ ທີ່ເດີ່ນທາດຫຼວງ ນະຄອນຫຼວງພະບາງ ເປັນຄືນສຸດທ້າຍຂອງ ງານປະກວດນາງສັງຂານປະຈຳປີ ພສ 2562 ຂອງນະຄອນ ຫຼວງພະບາງ ເມືອງມໍລະດົກໂລກ ໂດຍນາງສາວຜູ້ເຂົ້າປະກວດ ໄດ້ເດີນສະແດງຄວາມງາມໃນຊຸດສາລະບັບ ຊຸດປະຈຳຊາດຂອງແມ່ຍີງລາວ ພ້ອມທັງສະແດງຄວາມສາມາດ ຝ້ອນລຳວົງລາວຄູ່ກັບຊາຍແບບ ຈາກນັ້ນ ໄດ້ຂັດເລືອກເອົາ 15 ຄົນ, 7 ຄົນ ແລະເລືອກເອົາພຽງ 1 ຄົນຕາມລຳດັບ ເພື່ອເປັນຕົວແທນໃຫ້ແກ່ ນາງເທບທິດາ ອົງທີ່ 1 ຊົງພະນາມວ່າ: ທຸງສະເທວີ

ທ່ານ ສຸກັນ ບຸນຍົງ ເຈົ້ານະຄອນ ຫຼວງພະບາງ ຮອງປະທານຈັດງານບຸນໄດ້ມີຄຳເຫັນກ່າວເປີດງານປະກວດວ່າ: ການປະກວດນາງສັງຂານ ຢູ່ນະຄອນ ຫຼວງພະບາງ ເມືອງມໍລະດົກໂລກ ໄດ້ປະຕິບັດມາຫຼາຍເຊັ່ນຄົນ ເພຶ່ອຂັດເລືອກເອົາສາວງາມ ທີ່ພຽບພ້ອມໄປດ້ວຍ ຄວາມຮູ້ ຄວາມສາມາດ ກິລິຍາທີ່ອ່ອນຫວານ ສົມກັບເປັນແມ່ຍີງລາວ ເພື່ອເປັນຕົວແທນຂອງລູກສາວພະຍາກະບີນລະພົມ ຕາມນິທານພື້ນບ້ານ ທີ່ເລົ່າຂານກັນມາຫຼາຍເຊັ່ນຄົນ

ຜ່ານການປະກວດ ແມ່ນນາງສາວເຂົ້າປະກວດໝາຍເລກ 8 ນາງ ມີ່ລ່າ ດວງມີໄຊ ອາຍຸ 17 ປີ ຢູ່ບ້ານວຽງໄຊ ເປັນນັກຮຽນຢູ່ໂຮງຮຽນມັດທະຍົມສົມບູນປ່ອງຄຳ ໂດຍແມ່ນກຸ່ມທຸລະກິດຊ້າງເພັດສົ່ງເຂົ້າປະກວດ ໄດ້ເປັນນາງສັງຂານປະຈຳ ພສ 2562, ໄດ້ຮັບສາຍສະພາຍໄໝຫຼາບ 1 ເສັ້ນ, ເລີ້ງເຄີ້ງສັນຍາລັກຂອງນາງສັງຂານ, ພ້ອມດ້ວຍເງີນສົດຈຳນວນ 18.000.000 ກີບ, ຮອງອັນດັບ 1 ນາງສາວເຂົ້າປະກວດໝາຍເລກ 16 ນາງ ອານິຕາ ມະໄລສານ ໄດ້ຮັບສາຍສະພາຍໄໝຫຼາບ ພ້ອມດ້ວຍເງີນສົດ 10.000.000 ກີບ, ຮອງອັນດັບ 2 ນາງ ເຂັມມະນີ ສຸກສະຫວັດ ໄດ້ຮັບສາຍສະພາຍໄໝຫຼາບ 1 ເສັ້ນ ພ້ອມດ້ວຍເງີນສົດ 9.000.000 ກີບ, ຮອງອັນດັບ 3 ນາງ ພັດສະດາ ສິດພິໄຊ ໄດ້ຮັບສາຍສະພາຍໄໝຫຼາບ 1 ເສັ້ນ ພ້ອມດ້ວຍເງີນສົດ 8.000.000 ກີບ,

ຮອງອັນດັບທີ່ 4 ນາງ ມະນີພອນ ດວງມະນີ ໄດ້ຮັບເງີນສົດ 7.000.000 ກີບ, ຮອງອັນດັບທີ່ 5 ນາງ ໜີ່ນາ ບຸນສະຫວັດ ໄດ້ຮັບເງີນສົດ 6.000.000 ກີບ, ຮອງອັນດັບທີ່ 6 ນາງ ຈິດຕະນາ ໄຊຍະສະຫັວນ ໄດ້ຮັບເງີນສົດ 5.000.000 ກີບ, ສ່ວນຜູ້ທີ່ບໍ່ຜ່ານເຂົ້າຮອບ 7 ຄົນສຸດທ້າຍ ແມ່ນໄດ້ຮັບລາງວັນຊົມເຊີຍປະເພດ 1 ມີ 8 ລາງວັນ ເປັນເງີນສົດລາງວັນລະ 2.500.000 ກີບ ແລະຜູ້ທີ່ບໍ່ຜ່ານຮອບ 15 ຄົນສຸດທ້າຍ ໄດ້ຮັບລາງວັນຊົມເຊີຍປະເພດ 2 ມີ 15 ລາງວັນ ເປັນເງີນສົດລາງວັນລະ 2.000.000 ກີບ

ພິເສດມີລາງວັນຂັວນໃຈມິດຕະພາບ ໂດຍແມ່ນນາງສາວເຂົ້າປະກວດລົງຄະແນນໃຫ້ກັນເອງ ໃນນັ້ນແມ່ນ ນາງ ເຂັມມະນີ ສຸກສະຫວັດ ຜູ້ເຂົ້າປະກວດໝາຍເລກ 13 ໄດ້ຮັບລາງັວນເງີນສົດ 3.000.000 ກີບ, ລາງວັນຂັວນໃຈປະຊາຊົນ ໂດຍການລົງຄະແນນຜ່ານໂທລະສັບເຄືອຂ່າຍອີທີ່ແອວ ແມ່ນນາງ ສຸນິຕາ ສະຫວັດວົງ ຜູ້ເຂົ້າປະກວດ ໝາຍເລກ 22 ໄດ້ຮັບລາງວັນເງີສົດ 3.000.000 ກີບ

admin